पोखरामा सम्पन्न प्रथम गुरुङ चलचित्र एवार्ड–२०७२ मा विभिन्न ७० विधामा एवार्ड वितरण गरिएको छ । गुरुङ फिल्मको २० वर्षे इतिहासमा पहिलो पटक जक्सन डटकमको आयोजनामा भएको कार्यक्रममा कुल ४६ गुरुङ फिल्मले भाग लिएका थिए । एवार्डअन्तर्गत पपुलर नायिकामा मीरा गुरुङ, नायकमा बिमल गुरुङ तथा चलचित्रमा भ्रें दर्शकको रोजाइमा परे । लाइफटाइम एवार्डबाट प्रितम गुरुङ सम्मानित भए ।
दर्शक कलाकारको एवार्ड भीम गुरुङले जित्दा कृपा, छैली मुना जिन्दगी, म्ही थेवा तथा सुराग उत्कृष्ट चलचित्र घोषित भए । उत्कृष्ट नायकको एवार्ड सुवास गुरुङ, सोम गुरुङ, बेदबहादुर गुरुङ (श्याम) तथा गमन घलेले जिते । उत्कृष्ट नायिकाको एवार्ड मनीषा गुरुङ, अनुता गुरुङ, सुनिता गुरुङ एवं रजनी गुरुङले प्राप्त गरे भने विशेष: फिल्मको एवार्ड कहाँ बिसाऊँ मनको भारी, क्रमु, ङ्रैङ्हो, तिनागा, आस्यो तथा गेटपासले जिते ।
उत्कृष्ट लेखनमा माओत्से गुरुङ र इन्द्रकाजी गुरुङले एवार्ड हात पारे । युग गुरुङ, भेष गुरुङ, सन्तोष कोन्मे उत्कृष्ट छायांकार ठहरिए । उत्कृष्ट सम्पादकमा दिपेश गुरुङ, भोजबहादुर गुरुङ, सन्तोष कोन्मे तथा प्रितम गुरुङले पुरस्कार हात पारे भने उत्कृष्ट संगीतकारहरूमा लोकबहादुर गुरुङ (चों), तेजेन्द्र गुरुङ (धीं), दुर्गा गुरुङ (म्ही थेवा), गणेश गुरुङ (अस्मिता) ले पुरस्कार जित्दा गायकहरूमा धनबहादुर गुरुङ (क्रमु), मनोज गुरुङ (धीं), शेरबहादुर गुरुङ (सोल्टी राजा), मनोज गुरुङ (यो कस्तो जमाना) ले एवार्ड जिते ।
उत्कृष्ट गायिकामा अञ्जना गुरुङ (म्हि थेवा), रिमा गुरुङ (प्हीरुमाला), ज्योति गुरुङ (सैं न्होर्बे म्रुस्यों) एवं (आस्यों) सर्मिला गुरुङले पुरस्कार प्राप्त गरे । उत्कृष्ठ हास्यकलाकारमा बलबहादुर गुरुङ र गुञ्जबहादुर गुरुङ, उत्कृष्ठ द्वन्द्व निर्देशकमा भोजबहादुर गुरुङ र जनक गुरुङ, पाश्र्व संगीतमा धनबहादुर गुरुङ (क्रमु), धनबहादुर गुरुङ (आगे ठागु), उत्कृष्ट गीतकार बेदबहादुर गुरुङ (चों), लोकबहादुर गुरुङ (प्ह्रेस्यों), प्रभु गुरुङ (सोल्टी राजा), गणेश गुरुङ (अस्मिता), उत्कृष्ट निर्देशकहरूमा गोरे गुरुङ (कहाँ बिसाऊँ मनको भारी), गोरे गुरुङ (नकइफु), गोरे गुरुङ (चों), धोज गुरुङ (आगे ठागु) ले एवार्ड प्राप्त गरे । कार्यक्रममा पहिलो गुरुङ चलचित्रका नायक प्रितम गुरुङ र खेम गुरुङ, नायिका अनु र विनिता गुरुङ सम्मानित भए । उक्त अवसरमा २०६० साल अघि बनेका गुरुङ चलचित्र गोठालो, धि धिरंबै बेथा, ङ्योई नासा ट्हो, म्ही सै, ङोल्स्यो, वाचा बन्धन, ह्युलय माया, रोधी, कासी, धिरबै ताँ तथा हेर्वे टलाई सम्मान गरिएको थियो ।
एवार्ड कार्यक्रममा २०६० देखि २०६५ सम्म र २०६५ देखि २०७० सम्म गरी दुई समयावधिका गुरुङ चलचित्र एवं गुरुङ विषयमा निर्मित नेपाली चलचित्रलाई पुरस्कृत गरिएको थियो । गुरुङ चलचित्रको इतिहास भने त्यति लामो छैन २०५२ सालमा चलचित्र ‘पाते’ बाट गुरुङ चलचित्रको निर्माण आरम्भ भएको थियो । मगर भाषाको पहिलो फिल्म निर्देशन गरेका युवराज मास्के मगरले नै उक्त चलचित्र निर्माण गरेका थिए । अहिलेसम्म हेर्दा आदिवासी चलचित्रमा बढी संख्यामा बनेको चलचित्र गुरुङ भाषामै हो । हालसम्म १ सयभन्दा बढी गुरुङ चलचित्र निर्माण भैसकेका छन् भने केही गुरुङ चलचित्र निर्माणाधीन अवस्थामा छन् ।
गुरुङ चलचित्र र त्यसमा काम गर्ने चलचित्रकर्मीलाई अघि बढ्न सजिलो होस् भन्ने हेतुले २०६५ सालमा गुरुङ फिल्म एशोसियसन (जिफान) स्थापना गरीएको छ । अबदेखि हरेक दुई–दुई वर्षमा यो एवार्ड कार्यक्रमलाई निरन्तरता दिइने बताइएको छ ।
No comments:
Post a Comment